DÍS hefur skorað á umhverfis-, orku- og loftslagsráðherra að vernda lundastofninn með aðgerðum fyrir sumarið. Telur sambandið að staða stofnsins kalli á að veiðar á lunda verði stöðvaðar í ár.

Fuglavernd, Kattavinafélag Íslands, Dýraverndarsamband Íslands, Dýraþjónusta Reykjavíkur og Fjölskyldu- og húsdýragarðurinn hvetja kattaeigendur að sýna ábyrgð og taka tillit til fuglalífs með því að reyna að lágmarka fugladráp katta sinna á varptíma fugla.

DÍS ásamt AWF og TSB hefur kært til lögreglu þá illu meðferð sem sést á upptökum sem náðust af blóðmerahaldi í september 2024. Með þessu vilja samtökin reyna til þrautar að ná fram réttlæti fyrir hryssur sem eru beittar kerfisbundnu ofbeldi, eftir að Matvælastofnun ákvað að vísa málinu ekki áfram til lögreglu.

Á aðalfundi Dýraverndarsambands Íslands var venju samkvæmt kynnt skýrsla stjórnar og hefur skýrslan verið gefin út sem rafrænt rit undanfarin tvö ár. Stjórn hefur ákveðið að endurvekja gamalt og gott nafn og mun ársrit DÍS eftirleiðis bera heitið Dýraverndarinn - ársrit Dýraverndarsambands Íslands.

Vilborg Pála Kristjánsdóttir hlaut sérstaka viðurkenningu á aðalfundi DÍS fyrir hetjulega framgöngu í þágu dýra í neyð. Vilborg tilkynnti í febrúar illa meðferð á folaldi til lögreglu þar sem verið var að herða að öndunarvegi þess til að koma á það múl. Framtak Vilborgar er dæmi um hversu ómetanlegt það er þegar fólk stígur fram til varnar dýrum.

Á nýliðnum aðalfundi DÍS var veitt viðurkenningin Dýraverndari ársins fyrir ötult starf í þágu velferðar dýra. Dýraverndari ársins 2024 er Dýrfinna dýraverndarsamtök. Dýrfinna hefur unnið ómetanlegt starf undanfarin ár við að koma týndum gæludýrum aftur til eigenda sinna og hefur starf samtakanna reynst mikilvægt framfaraskref í þágu gæludýra sem týnast. 

Nú styttist í aðalfund DÍS sem verður haldinn 14. maí kl. 17-19 í húsnæði Hjálpræðishersins að Suðurlandsbraut 72. Eftirfarandi eru upplýsingar um þau framboð til stjórnar og þær lagabreytingartillögur sem bárust.

DÍS og SDÍ skora á atvinnuvegaráðherra að koma í veg fyrir að annað blóðtökutímabil hefjist. Ítrekað hefur verið sýnt fram á kerfisbundið dýraníð í blóðmerahaldi, en nýtt myndefni sýnir hvernig dýralæknar Ísteka bregðast því hlutverki sínu að gæta velferðar hryssanna.

Aðalfundur Dýraverndarsambands Íslands verður haldinn miðvikudaginn 14. maí kl 17-19 í húsnæði Hjálpræðishersins að Suðurlandsbraut 72.

Könnun sem var framkvæmd fyrir Dýraverndarsamband Íslands sýnir að 51% Íslendinga eru hlynnt því að banna blóðmerahald, en 27% eru því andvíg.

Ný rannsókn þýsk/svissnesku dýraverndarsamtakanna AWF og TSB varpar skýru ljósi á illa meðferð hryssa í blóðmerahaldi. Dýraverndarsamband Íslands fordæmir harðlega þessa óverjandi meðferð. Stöðvum blóðmerahald í eitt skipti fyrir öll!

Hanna Katrín Friðriksson atvinnuvegaráðherra tók í dag á móti 6.600 undirskriftum einstaklinga sem taka undir ákall Dýraverndarsambands Íslands að stöðva blóðmerahald í eitt skipti fyrir öll hér á landi.

Dýraverndarsamband Íslands lýsir yfir áhyggjum af þeirri þróun sem er að eiga sér stað innan hestaíþróttarinnar varðandi sýningar á hrossum. Algengara er orðið að tónlistarfólk sé látið spila á meðan hross eru sýnd og áhorfendur hvattir til að taka undir með fagnaðarlátum. DÍS telur nauðsynlegt að brugðist verði við þessari þróun. 

Ólafur Dýrmundsson var gerður heiðursfélagi í Dýraverndarsambandi Íslands á 111 ára afmælishátíð sambandsins. Það er stjórn Dýraverndarsambandsins sönn ánægja og mikill heiður að þakka Ólafi með þessum hætti fyrir mikilsvert framlag sitt fyrir sambandið og fyrir velferð dýra í landinu.

Dýraverndarsamband Íslands hélt 111 ára afmælishátíð í Salnum í Kópavogi 23. mars 2025. Búið er að birta upptökur af þeim fróðlegu erindum sem haldin voru.

Það lét ekki mikið yfir sér, fundarboðið sem birtist á forsíðu Morgunblaðsins 13. júlí 1914, en tilefnið var „Dýraverndunarfélags-stofnun“. Þörfin var mikil og hefur haldist svo alla tíð síðan sem endurspeglast í því að Dýraverndarsamband Íslands nær því bráðum að verða 111 ára.

Í ár fagnar Dýraverndarsamband Íslands 111 ára afmæli sínu. Af því tilefni heldur DÍS afmælishátíð í Salnum í Kópavogi, sunnudaginn 23. mars 2025. Hlökkum til að hitta öll þau ótal mörgu sem brenna fyrir aukinni velferð dýra á Íslandi.

Dýraverndarsamband Íslands hefur tekið í notkun nýtt merki. Merkið sýnir heimskautarefinn, eina landspendýrið sem kom sér til Íslands án aðstoðar mannfólks, og leggur áherslu á einstaka íslenska náttúru í sögu og samtíð.