Það er alvarlegt dýravelferðarmál að minkum hafi verið sleppt frá loðdýrabúi í Mosfellsdal. Minkar eru afkastamikil rándýr og getur sá mikli fjöldi dýra sem var sleppt valdið verulegum skaða á lífríki svæðisins, ekki síst fuglalífi. Þessi verknaður varðar einnig velferð minkanna sjálfra þar sem dýr sem hafa verið alin innandyra geta reynst bjargarlaus í náttúrunni.

Dýraverndarsambandið vill árétta að hafi verið um að ræða aðgerð í nafni dýravelferðar skaðar slíkt aðeins málstað dýra. Sambandið styður ekki slíka nálgun.

Dýraverndarsamband Íslands og Samtök um dýravelferð á Íslandi ásamt alþjóðlegum dýravelferðarsamtökum krefjast þess að ákvörðun Matvælastofnunar um veitingu leyfis til blóðmerahalds verði felld úr gildi. 

Jafnframt er þess krafist að Matvælastofnun taki umsóknina til meðferðar á ný í fullu samræmi við kröfur reglugerðar um vernd dýra sem eru notuð í vísindaskyni sem er Evróputilskipun og Íslandi ber að fylgja sem aðili að EES samningnum.

Frá því að veiðar á langreyðum hófust að nýju í júní, eftir tveggja ára hlé, hafa í það minnsta tvö atvik komið upp sem gefa tilefni til þess að starfsemi Hvals hf í Hvalfirði verði stöðvuð og leyfi félagsins til veiða og vinnslu afturkallað.

DÍS hvetur stjórnvöld eindregið til að stöðva þegar í stað þessar langreyðarveiðar þar sem Hvalur hf hefur ítrekað á undanförnum árum, nú síðast þann 22. júní sl., orðið uppvíst að brotum á lögum um velferð dýra sem og brotum á reglugerðum sem um starfsemina gilda.

Fyrsta langreyðurin sem veidd er við Ísland í tvö ár var dregin upp í Hvalstöðina í Hvalfirði um klukkan fjögur í nótt þegar Hvalur 9 kom í nótt með tvær langreyðar að landi. 

DÍS mótmælir harðlega þessum veiðum sem eru ómannúðlegar og með öllu tilgangslausar út frá viðskiptahagsmunum Hvals hf.

DÍS hvetur íslensk stjörnvöld til að binda endi á þessar ónauðsynlegu og ómannúðlegu veiðar hið allra fyrsta.

Dýraverndarsambands Íslands hvetur stjórnvöld til að gera allt það sem í þeirra valdi stendur til að koma í veg fyrir að hvalveiðar hefjist að nýju við Ísland í sumar. 

DÍS mótmælir harðlega áformum um veiðar á langreyðum og um hrefnuveiðar í sumar. DÍS telur að veiðarnar standist ekki gildandi lög um dýravelferð.

Dýraverndarsamband Íslands samþykkti ályktun á aðalfundi félagsins þar sem skorað er á stjórnvöld að vinna að því að draga úr innflutningi og sölu á frostlegi sem inniheldur etýlenglýkól.

Reglulega er eitrað fyrir dýrum með mat sem hefur verið lagður í frostlög og skilinn eftir úti í náttúrunni. Nýverið hafa gæludýr dáið vegna frostlagareitrunar.

Dýraverndarsamband Íslands skorar á stjórnvöld að afturkalla leyfisveitingu vegna blóðtöku úr fylfullum hryssum. Ályktun þessa efnis var samþykkt á aðalfundi DÍS 20. maí 2026.

Leyfisveitingin setur varhugavert fordæmi og gengur gegn markmiðum um aukna vernd dýra.

Dýraverndarsamband Íslands kallar eftir því í yfirlýsingu að stjórnvöld banni loðdýrahald á Íslandi.

Slíkt bann myndi senda skýr skilaboð um að velferð dýra sé sett í forgang og að samfélagið sætti sig ekki við atvinnugreinar sem byggja á þjáningu og vanvirðingu gagnvart dýrum.

Öll helstu dýravelferðarsamtök sem eru leiðandi á alþjóðavísu hvetja til þess að fólk dragi úr eða hætti alfarið neyslu á dýraafurðum með það í huga að afleggja verksmiðjubúskap með dýr. DÍS tekur undir þá hvatningu og mun stíga það mikilvæga skref að hvetja almenning til að minnka eða hætta neyslu á dýraafurðum í því skyni að verksmiðjubúskapur leggist af hér á landi með fræðslu og málefnalegri umræðu.

DÍS skorar á nýja ríkisstjórn að stórbæta eftirlit með dýravelferð í landinu. Það er óeðlilegt að málefni dýravelferðar og dýraverndar heyri nú undir stofnun sem hefur það meginhlutverk að gæta að matvælaframleiðslu. Jafnframt er ríkisstjórnin hvött til að leyfisskylda allt búfjárhald og tryggja skilvirkari inngrip þegar velferð dýra er í húfi.

DÍS telur mikið skorta á aðgang að réttlæti fyrir hönd dýra á Íslandi. Það er mikilvægt að almenningur og félagasamtök hafi skýr úrræði til að leita réttlætis fyrir hönd dýra á Íslandi. DÍS skorar á stjórnvöld að bæta úr þessu réttindaleysi við endurskoðun laga sem tengjast réttindum dýra og tryggja að samtök á sviði dýravelferðar hafi skýrar heimildir til að kalla eftir upplýsingum og kæra ákvarðanir sem snerta velferð dýra.

DÍS hefur skorað á umhverfis-, orku- og loftslagsráðherra að vernda lundastofninn með aðgerðum fyrir sumarið. Telur sambandið að staða stofnsins kalli á að veiðar á lunda verði stöðvaðar í ár.

Ísland getur sýnt raunverulegan metnað og ábyrgð við verndun hafsins – ekki bara hér við Ísland, heldur líka á úthöfunum sem við deilum með heiminum öllum. Þetta er kjarninn í áskorun sem níu náttúru- og dýraverndarsamtök sendu ríkisstjórninni í aðdraganda hafráðstefnu Sameinuðu þjóðanna.

Fuglavernd, Kattavinafélag Íslands, Dýraverndarsamband Íslands, Dýraþjónusta Reykjavíkur og Fjölskyldu- og húsdýragarðurinn hvetja kattaeigendur að sýna ábyrgð og taka tillit til fuglalífs með því að reyna að lágmarka fugladráp katta sinna á varptíma fugla.

DÍS og SDÍ skora á atvinnuvegaráðherra að koma í veg fyrir að annað blóðtökutímabil hefjist. Ítrekað hefur verið sýnt fram á kerfisbundið dýraníð í blóðmerahaldi, en nýtt myndefni sýnir hvernig dýralæknar Ísteka bregðast því hlutverki sínu að gæta velferðar hryssanna.

Dýraverndarsamband Íslands lýsir yfir áhyggjum af þeirri þróun sem er að eiga sér stað innan hestaíþróttarinnar varðandi sýningar á hrossum. Algengara er orðið að tónlistarfólk sé látið spila á meðan hross eru sýnd og áhorfendur hvattir til að taka undir með fagnaðarlátum. DÍS telur nauðsynlegt að brugðist verði við þessari þróun. 

Í dag veitti Bjarni Benediktsson forsætisráðherra og matvælaráðherra í starfsstjórn leyfi til veiða á langreyðum og hrefnum til næstu fimm ára. Dýrarverndarsamband Íslands hefur vegna þessa ákveðið að beina kvörtun til umboðsmanns Alþingis þar sem sambandið telur um hreina valdníðslu að ræða. 

DÍS og HRFÍ skora á Icelandair að endurskoða þá ákvörðun að hætta að flytja gæludýr með farþegaflugi frá og með 1. nóvember 2024 og tryggja áframhaldandi mannúðlegan og hagkvæman möguleika á innflutningi gæludýra.

Dýraverndarsamband Íslands skorar á Bjarna Benediktsson forsætisráðherra að bíða með ákvörðun um hvalveiðar þar til niðurstaða starfshóps forsætisráðherra um  hvalveiðar liggur fyrir og að ný ríkisstjórn með meirihlutastuðningi Alþingis hefur tekið við að afloknum kosningum.

Dýraverndarsamband Íslands hvetur Landssamband hestamannafélaga að búa hrossum hestvænni aðstæður í sýningum og keppni með því að hávaða sé stillt í hóf á meðan hestar eru í braut.

DÍS harmar og lýsir vonbrigðum með þá ákvörðun matvælaráðherra að heimila hvalveiðar í sumar. Ráðherra kynnti ríkisstjórn ákvörðun sína í morgun að heimila veiðar á samtals 128 langreyðum og er leyfið veitt til eins árs. Ráðherra segist bundinn af lögum um hvalveiðar sem eru frá árinu 1949 og hendur hennar séu því bundnar.

Það er hlutverk Matvælastofnunar að sjá til þess að lögum um velferð dýra og tilheyrandi reglugerðum sé framfylgt. Á bæ í Þverárhlíð í Borgarbyggð hafa mörg ákvæði reglugerðar um velferð sauðfjár og geitfjár greinilega verið brotin í áraraðir og varðar það við refsiábyrgð skv. lögunum. Þrátt fyrir augljós brot eigenda dýranna hefur Matvælastofnun ekki varið velferð umræddra dýra.

Dýraverndarsamband Íslands hefur fengið staðfest að nú séu kindur og lömb innan girðingar bæði austan og vestan við Grindavík. Dýraverndarsamband Íslands óskar eftir að brugðist verði tafarlaust við í málinu og dýrunum forðað frá þjáningu.

Ástand dýra á bænum Höfða í Þverárhlíð í Borgarbyggð er grafalvarlegt. Sauðféð er í miklum vanhöldum og er það að hluta komið út fyrir girðingar þar sem engin beit er við bæinn. Það er ákall frá stjórn DÍS að dýrunum verði tafarlaust komið til bjargar og lífs með því að yfirvöld bregðist við.

Samkvæmt áliti umboðsmanns hefur velferð dýra ekki nægilegt vægi til að hægt sé að rökstyðja frestun hvalveiða með nægilega skýrum hætti á grundvelli laga um hvalveiðar. Það stenst ekki nútímann ef lög eru ekki nógu skýr til að stjórnvöldum sé fært að grípa til viðeigandi ráðstafanna í þágu dýravelferðar.

Dýraverndarsamband Íslands (DÍS) lýsir vonbrigðum sínum með álit umboðsmanns Alþingis þess efnis að skort hafi lagaheimild til að fresta veiðitímabili á langreyðum sumarið 2023. Í tilviki Hvals hf var búið að sýna fram á veiðarnar væru ekki í samræmi við lög um dýravelferð og því bar ráðherra að bregðast við.   

Dýraverndarsamband Íslands, Dýrfinna, Dýrahjálp Íslands, Kattholt, Villikettir og Villikanínur fara fram á að dýrum verði bjargað í Grindavík og nágrenni í dag. Ljóst er að enn er mikill fjöldi dýra á svæðinu sem er á neyðarstigi. Flytja þarf ÖLL dýr burt af svæðinu.

Dýraverndarsambandið hvetur Grindvíkinga til að fara varlega í þeim hættulegu aðstæðum sem hafa skapast.
​DÍS vill jafnframt minna á gæludýrin stór sem smá og þann búfénað sem er á svæðinu, þau þurfa líka vernd. DÍS áréttar að það þarf að flytja ÖLL dýr burt af svæðinu.

DÍS hvetur fjáreigendur á landinu eindregið til að fá dýralækna til geldinga á hrútum en framkvæma ekki slíkar aðgerðir sjálfir. Geldingar eiga aldrei, undir neinum kringumstæðum, að vera framkvæmdar af ófaglærðum aðilum né án deyfingar og verkjastillandi lyfja.

Stjórn DÍS harmar að hvalveiðar skuli hefjast að nýju. Stjórnin áréttar þá afstöðu sína að brýnt sé, út frá dýravelferðarsjónarmiðum, að hvalveiðum við Ísland ljúki alfarið á þessu ári. DÍS skorar á ráðherra og ríkisstjórn að sjá til þess að þetta verði allra síðasta árið þar sem hvalir þjást í viðskiptaskyni við Ísland.