Ingiveig Gunnarsdóttir, stofnandi Dýravaktarinnar er Dýraverndari ársins 2025. Viðurkenningin var veitt á nýliðnum aðalfundi DÍS.

Ingiveig hefur um árabil verið vakin og sofin yfir velferð andfugla á höfuðborgarsvæðinu. DÍS þakkar Ingiveigu fyrir ómetanlegt starf í þágu dýra og óskar henni velfarnaðar í sínum mikilvægu störfum.

Nú styttist í aðalfund DÍS sem haldinn verður miðvikudaginn 20. maí kl. 17-19 í húsnæði Eignaumsjónar Suðurlandsbraut 30, 108 Reykjavík.

Eftirfarandi eru upplýsingar um þau framboð til stjórnar og þær lagabreytingartillögur sem bárust.

DÍS hvetur stjórnvöld til að gera verulegar og nauðsynlegar breytingar á frumvarpi til laga um lagareldi þar sem frumvarpið tryggir ekki dýravelferð með fullnægjandi hætti. 

DÍS hefur sent frá sér umsögn og mætt á fund atvinnuveganefndar vegna málsins.

Aðalfundur Dýraverndarsambands Íslands (DÍS) verður haldinn miðvikudaginn 20. maí kl 17:00-19:00 í húsnæði Eignaumsjónar Suðurlandsbraut 30, 108 Reykjavík. Við hvetjum félaga til að mæta og hafa áhrif á störf DÍS.

Farið verður yfir verkefni starfsársins og komandi verkefni, auk þess sem veitt verður viðurkenning DÍS – Dýraverndari ársins!

Dýraverndarsamband Íslands og Náttúruverndarsamtök Íslands í samstarfi við Sjálfbærni- og loftslagsréttarstofnun Háskólans í Reykjavík efna til málþings í Norræna húsinu fimmtudaginn 16. apríl.

Fjallað verður um lagalegar skuldbindingar Íslands er varða hvalveiðar og leitað svara við því hvort Ísland sé að virða alþjóðalög.  

Dýraverndarsamband Íslands kallar eftir því í yfirlýsingu að stjórnvöld banni loðdýrahald á Íslandi.

Slíkt bann myndi senda skýr skilaboð um að velferð dýra sé sett í forgang og að samfélagið sætti sig ekki við atvinnugreinar sem byggja á þjáningu og vanvirðingu gagnvart dýrum.

Þingkonan Kolbrún Áslaugar Baldursdóttir hefur, ásamt níu þingmönnum kallað eftir úttekt á eftirlit MAST með dýravelferð. Biðja þau um að atvinnuvegaráðherra flytji Alþingi skýrslu um stjórnvaldsaðgerðir MAST.

Beiðnina segja þau lagða fram vegna vaxandi gagnrýni á framkvæmd eftirlits MAST með dýravelferð.

Europgroup for Animals, ásamt DÍS og AWF/TSB hafa sent opið bréf til atvinnuvegaráðherra, forstjóra Matvælastofnunar og yfirdýralæknis hjá Matvælastofnun.

Í bréfinu er kallað eftir því að Evróputilskipun um vernd dýra sem notuð eru í vísindaskyni og blóðmerahald á Íslandi fellur undir verði virt.

Dýraverndarsamband Íslands hefur ásamt fimmtán dýraverndarsamtökum sent framkvæmdastjórn Evrópusambandsins bréf þar sem þess er krafist að hormónaefnið PMSG verði bannað í Evrópu.

Efnið sem unnið er úr blóði fylfullra hryssna er notað sem frjósemislyf og aðallega gefið svínum í þauleldi. 

Margrét Marteinsdóttir hefur verið ráðin sem fulltrúi Dýraverndarsambands Íslands.

Margrét hefur víðtæka reynslu af fjölmiðlum, starfaði á RÚV í 16 ár og undanfarin ár sem rannsóknarblaðamaður á Stundinni og Heimildinni og hefur þar m.a. fjallað um dýravelferðar- og umhverfismál.

Meirihluti Íslendinga eru hlynnt því að banna blóðmerahald. Þetta kemur fram í könnun Maskínu fyrir Samtök um dýravelferð og Dýraverndarsamband Íslands. Reyndust 52% hlynnt banni, en 33% andvíg því.

Loðdýrahald er að leggjast af á Íslandi þar sem fjárhagslegur grundvöllur þess er brostinn. Nú eru 5 minkabú af 6 að hætta. DÍS fagnar því að þessi hörmulegi iðnaður er að leggjast af hér á landi, en meðferð á dýrum í loðdýrahaldi samræmist ekki lögum um velferð dýra og um að ræða gróft dýraníð.

DÍS átti fund í morgun með Hönnu Katrínu Friðriksson atvinnuvegaráðherra til að ræða málefni dýravelferðar, m.a. um vernd hvala, nauðsyn þess að búfjárhald verði gert leyfisskylt og um aðgengi dýra að réttlæti. Heildarendurskoðun laga um velferð dýra verður unnin hjá ráðuneytinu næstu misseri sem DÍS fagnar.

Fimm alþjóðleg félagasamtök, ásamt Dýraverndarsambandi Íslands (DÍS) og Samtökum um dýravelferð á Íslandi (SDÍ), afhentu Hönnu Katrínu Friðriksson atvinnuvegaráðherra 300.000 undirskriftir þann 20. október, þar sem íslensk stjórnvöld eru hvött til að banna blóðmerahald.

Alþjóðadagur dýranna er haldinn árlega þann 4. október þar sem velferð og réttindum dýra er fagnað. Dagurinn hefur einnig verið kallaður alþjóðadagur dýravelferðar þar sem vakin athygli á þörfinni fyrir áframhaldandi baráttu fyrir réttindum dýra um allan heim.

DÍS átti fund með Jóhanni Páli Jóhannssyni umhverfis-, orku- og loftslagsráðherra til að ræða málefni villtra dýra. DÍS fjallaði um málefni hvala, sela, hreindýra, refa og villtra fugla og hvatti til þess að skilgreind hafverndarsvæði Íslands verði firðir og flóar um landið. Ráðherra benti á að villidýralögin verði skoðuð hjá ráðuneytinu næstu misseri sem DÍS fagnar.

Eurogroup for Animals, í samstarfi við þýsku dýraverndarsamtökin Animal Welfare Foundation og Dýraverndarsamband Íslands, hefur sent erindi til fagráðs um velferð dýra þar sem eindregið er óskað eftir að ekki verði veitt nýtt leyfi fyrir blóðsöfnun úr fylfullum hryssum.

DÍS átti fund með fulltrúum atvinnuvegaráðuneytisins sem starfa á skrifstofu landgæða og dýraheilsu sem fer með málefni dýravelferðar. Á fundinum fjallaði DÍS m.a. um nauðsyn þess að dýr verði sérstaklega skilgreind í lögum um almannavarnir, aðkomu neyðarlínu varðandi tilkynningar um dýr í neyð, hvalveiðar og blóðmerahaldið.