Yfirlýsing frá DÍS: Skorað á stjórnvöld að banna loðdýrahald

Ljósmyndari: Kristo Muurima

19.mars 2026

Dýraverndarsamband Íslands hefur sent frá sér eftirfarandi yfirlýsingu vegna aðbúnaðar dýra í loðdýraeldi.

Yfirlýsing Dýraverndarsambands Íslands vegna aðbúnaðar dýra í loðdýraeldi

Ljóst er að aðbúnaður dýra í loðdýraeldi samræmist ekki lögum um velferð dýra sem kveða á um að dýr séu laus við þjáningu, sársauka og meiðsli og að þau geti sýnt sitt náttúrulegt atferli eins og frekast er unnt. Minkar eru haldnir í litlum vírbúrum þar sem þeir upplifa mikla streitu sem getur leitt til hegðunar er veldur sjálfsskaða.

Dýrin eru jafnframt aflífuð með kolmonoxíð gasi sem er grimmilegt því það getur tekið nokkrar mínútur fyrir dýrin að deyja með slíkri aflífunaraðferð. Við aflífun upplifa þessi dýr dauðastríð sem er andstætt lögum. Um er að ræða gróft dýraníð.

Nú hafa 24 lönd Evrópu bannað loðdýrahald vegna dýravelferðarsjónarmiða, nú síðast Pólland sem hefur verið leiðandi í framleiðslu loðdýraskinna í Evrópu.

Ísland ætti ekki að vera undanskilið þessari þróun heldur taka af skarið og banna með skýrum hætti loðdýraeldi. Slíkt bann myndi senda skýr skilaboð um að velferð dýra sé sett í forgang og að samfélagið sætti sig ekki við atvinnugreinar sem byggja á þjáningu og vanvirðingu gagnvart dýrum.

Dýraverndarsamband Íslands kallar eftir að stjórnvöld fylgi fordæmi þeirra þjóða sem láta sig dýravelferð varða og banni loðdýrahald á Íslandi.

Til baka