Dýraverndarsamband Íslands flytur um set

Gengið er inn í nýja húsnæðið að ofanverðu.

                 Kæru félagar í DÍS og aðrir dýravinir.   Eftir  sex ára ágæta veru  að Grensásvegi 12A  stóðum við frammi fyrir því að geta ekki notað húsnæðið lengur til félagastarfsemi eða funda. Verktakar hafa undanfarin ár unnið þar að því að breyta bæði fram- og bakhúsi  í íbúðir á sama tíma  og Reykjavíkurborg fækkaði bílastæðum við bakhúsið úr 17 í 6  .  Við sáum fram á  svo skerta aðkomu að húsinu að ekki væri unnt að nota það með góðu móti.  Eftir fund með verktökum var tekin sú ákvörðun að flytja félagið um set en okkur bauðst húsnæði á efstu hæð í lyftuhúsi að Grensásvegi 8 í makaskiptum og eru þar næg bílastæði  .  Við  fluttum nú í haust og  höfum komið félaginu fyrir á nýjum stað. Við vinnum hörðum höndum að undirbúningi aðalfundar sem hefði átt að halda í sumar en dróst vegna þessara og annarra aðstæðna. Við gerum því ráð fyrir að halda notalegan jóla-aðalfund í nýja húsnæðinu. 

---