Lög Dýraverndarsambands Íslands
Samþykkt á aðalfundi 2023.
I Heiti, hlutverk og skyldur
1. gr.
Heiti félagsskaparins er Dýraverndarfélag Íslands - Dýraverndarsamband Íslands og er varnarþing þess í Reykjavík.
2. gr.
Félagið er sameiginlegur vettvangur þeirra sem vilja stuðla að velferð dýra, villtra og taminna, búfjár og gæludýra, ásamt náttúruvernd í þágu dýra.
Hlutverk sambandsins er að vinna að bættri velferð dýra og standa vörð um lögvernd þeirra svo sem lög og reglugerðir mæla fyrir um.
Tilgangi sínum hyggst sambandið ná m.a. með því að:
a) beita sér fyrir fræðslu og upplýsingamiðlun um góða meðferð dýra og hvetja skóla, félagasamtök og einstaklinga alla að auka og efla velferð þeirra.
b) taka virkan þátt í og stuðla að málefnalegri, opinberri umræðu um málefni og velferð dýra, þ.á. m. hvernig dýrahald helst oft í hendur við ógnir við náttúru og umhverfi, sbr. þauleldi dýra sem hefur mikið kolefnisspor og veldur oft mengun.
c) taka þátt í alþjóðlegu samstarfi um dýravelferð.
d) þrýsta á yfirvöld að bæta lagasetningu þegar þörf er á og fylgjast með að reglubundið og markvisst opinbert eftirlit til verndar dýrum fari fram. Gefa faglegar umsagnir um breytingar á lögum og reglum um dýravelferð.
3. gr.
Sambandið tekur að sér eftirtaldar skuldbindingar:
a) að tilnefna einn fulltrúa til þriggja ára í fagráð um velferð dýra samkvæmt lögum númer 55/2013 um velferð dýra.
b) að tilnefna allt að þrjá fulltrúa í Norræna Dýravelferðarráðið skv. samþykktum þess.
c) að tilnefna tvo fulltrúa í stjórn Sauðfjárverndarinnar kt. 550269-4659.
d) að tilnefna þrjá fulltrúa í stjórn Minningarsjóðs Peders J. Steffensen kt. 680602-3950.
e) að tilnefna þrjá fulltrúa í stjórn Tækjakaupasjóðsins „Dýrin mín stór og smá“ kt. 691298-4349.
f) að annast vörslu Sólskríkjusjóðsins kt. 600397-2149.
Sambandið skal starfrækja skrifstofuaðstöðu eftir því sem aðstæður leyfa og henta starfseminni á hverjum tíma.
II Aðild og fjárreiður
4. gr.
Félagar geta orðið allir þeir einstaklingar, sem eru 18 ára og eldri og skráð félög sem vilja vinna að bættri meðferð dýra í samræmi við hlutverk og skuldbindingar sambandsins skv. lögum þessum.
Félagsmenn hafa málfrelsi og tillögurétt á fundum félagsins. Rétt til að greiða atkvæði á fundum félagsins og kjörgengi í stjórn og nefndir hafa einungis fullgildir félagar.
Félagsmönnum er óheimilt að tjá sig á opinberum vettvangi í nafni félagsins nema með samþykki stjórnar.
Heimilt er með samþykki aðalfundar að vísa einstaklingi úr félaginu hafi hann gerst brotlegur við lög um velferð dýra eða brotið gróflega gegn reglum um félagsaðild sambandsins samkvæmt ofangreindu.
III Stjórn sambandsins
5. gr.
Sex manna stjórn sambandsins er æðsta vald í málefnum sambandsins milli ársfunda og ber hún ábyrgð á starfsemi sambandsins. Stjórn tekur ákvarðanir í málum sem snerta rekstur sambandsins, m.a. frávik frá árlegri fjárhagsáætlun og skipulagi starfseminnar. Stjórn sér um alla framkvæmd félagsins, annast öll málefni þess og er í fyrirsvari fyrir félagið út á við (sbr. 6. gr.).
Stjórn skipa formaður, gjaldkeri og ritari, auk þriggja meðstjórnenda.
Formaður er talsmaður sambandsins. Formaður boðar til stjórnarfunda með minnst tveggja daga fyrirvara, nema brýna nauðsyn beri til að boða fund með skemmri fyrirvara, og skal tillaga um dagskrá fundarins fylgja fundarboði. Formaður hefur yfirumsjón með allri starfsemi sambandsins, skipulagi og rekstri. Formaður getur falið stjórnarmönnum verkefni eftir því sem við á.
Ritari er staðgengill formanns. Ritari skal skrifa fundargerðir stjórnar og félagsfunda, ásamt því að halda utan um ársskýrslur stjórnar. Gjaldkeri ber ábyrgð á bókhaldi sambandsins og sér um innheimtu félagsgjalda.
Reikningsár sambandsins er almanaksárið. Stjórn velur viðurkennda fagaðila utan stjórnar sem sjá um bókhald og gerð ársreikninga sambandsins.
Á stjórnarfundum ræður afl atkvæða úrslitum. Séu atkvæði jöfn ræður atkvæði formanns.
6. gr.
Stjórn getur ráðið framkvæmdastjóra og/eða starfsmann til að sjá um daglega umsýslu sambandsins.
Framkvæmdastjóri og/eða starfsmaður situr stjórnarfundi sambandsins eftir því sem við á.
7. gr.
Stjórn heldur félagaskrá sambandsins og sér um samskipti við félagsmenn. Félagaskrá má stjórnin eigi láta af hendi nema með samþykki aðalfundar og hvers einstaks félaga sem um ræðir.
Stjórn getur óskað eftir þátttöku félagsmanna í starfsemi þess og stofnað nefndir eða vinnuhópa til lengri eða skemmri tíma, eftir því sem verkefni eða aðstæður gefa tilefni til.
IV Aðalfundur og kosningar
8. gr.
Stjórn sambandsins skal kosin á aðalfundi til tveggja ára í senn. Kjörgengi til stjórnarsetu eiga allir fullgildir félagsmenn. Aðeins einstaklingar geta boðið sig fram til stjórnar, félög með aðild geta ekki boðið fram mann til stjórnar í sínu umboði.
Kjósa skal formann, tvo meðstjórnendur og annan endurskoðunarmann reikninga annað hvert ár en hitt árið skal kjósa gjaldkera, ritara, þriðja meðstjórnanda og hinn endurskoðunarmann reikninga. Láti stjórnarmaður af störfum áður en kjörtímabili lýkur skal kjósa í embætti hans á næsta aðalfundi.
Framboð til stjórnarsetu skal berast stjórn a.m.k. viku fyrir boðaðan aðalfund og kynnt félagsmönnum a.m.k. fimm dögum fyrir aðalfund.
Nýir félagar eru samþykktir á aðalfundi ár hvert og öðlast rétt til að greiða atkvæði og gefa kost á sér til stjórnar á næsta aðalfundi á eftir. Teljast þeir þá fullgildir félagsmenn.
Félagsgjöld skulu ákveðin á aðalfundi ár hvert og innheimt árlega.
9. gr.
Stjórn sambandsins skal kosin á aðalfundi til tveggja ára í senn. Kjörgengi til stjórnarsetu eiga allir fullgildir félagsmenn.
Aðeins einstaklingar geta boðið sig fram til stjórnar, félög með aðild geta ekki boðið fram mann til stjórnar í sínu
umboði. Kjósa skal formann, tvo meðstjórnendur og endurskoðunarmann reikninga annað hvert ár en hitt árið skal kjósa gjaldkera, ritara, meðstjórnanda og endurskoðunarmann reikninga. Láti stjórnarmaður af störfum áður en kjörtímabili lýkur skal kjósa í embætti hans á næsta aðalfundi.
Framboð til stjórnarsetu skal berast stjórn a.m.k. viku fyrir boðaðan aðalfund og kynnt félagsmönnum a.m.k. 5 dögum fyrir aðalfund.
10. gr.
Allir fullgildir félagsmenn hafa atkvæðisrétt á fundum félagsins. Við atkvæðagreiðslu á aðalfundi gildir hreinn meirihluti fullgildra félagsmanna sem á fundinn eru skráðir en tvo þriðju hluta þeirra þarf til lagabreytinga og allra meiriháttar breytinga á stefnu félagsins. Á öðrum félagsfundum sambandsins gildir meirihluti viðstaddra við atkvæðagreiðslu.
V Slit sambandsins
11. gr.
Hætti sambandið störfum skal sú ákvörðum tekin á aðalfundi eða aukaaðalfundi með tveimur þriðju hluta atkvæða. Skal þá verja fé og eignum sambandsins í þágu dýravelferðar á Íslandi undir umsjón þess ráðuneytis í Ríkisstjórn Íslands sem hefur umsjón með málefnum dýravelferðar í landinu.
I Heiti, hlutverk og skyldur
1. gr.
Heiti félagsskaparins er Dýraverndarfélag Íslands - Dýraverndarsamband Íslands og er varnarþing þess í Reykjavík.
2. gr.
Félagið er sameiginlegur vettvangur þeirra sem vilja stuðla að velferð dýra, villtra og taminna, búfjár og gæludýra, ásamt náttúruvernd í þágu dýra.
Hlutverk sambandsins er að vinna að bættri velferð dýra og standa vörð um lögvernd þeirra svo sem lög og reglugerðir mæla fyrir um.
Tilgangi sínum hyggst sambandið ná m.a. með því að:
a) beita sér fyrir fræðslu og upplýsingamiðlun um góða meðferð dýra og hvetja skóla, félagasamtök og einstaklinga alla að auka og efla velferð þeirra.
b) taka virkan þátt í og stuðla að málefnalegri, opinberri umræðu um málefni og velferð dýra, þ.á. m. hvernig dýrahald helst oft í hendur við ógnir við náttúru og umhverfi, sbr. þauleldi dýra sem hefur mikið kolefnisspor og veldur oft mengun.
c) taka þátt í alþjóðlegu samstarfi um dýravelferð.
d) þrýsta á yfirvöld að bæta lagasetningu þegar þörf er á og fylgjast með að reglubundið og markvisst opinbert eftirlit til verndar dýrum fari fram. Gefa faglegar umsagnir um breytingar á lögum og reglum um dýravelferð.
3. gr.
Sambandið tekur að sér eftirtaldar skuldbindingar:
a) að tilnefna einn fulltrúa til þriggja ára í fagráð um velferð dýra samkvæmt lögum númer 55/2013 um velferð dýra.
b) að tilnefna allt að þrjá fulltrúa í Norræna Dýravelferðarráðið skv. samþykktum þess.
c) að tilnefna tvo fulltrúa í stjórn Sauðfjárverndarinnar kt. 550269-4659.
d) að tilnefna þrjá fulltrúa í stjórn Minningarsjóðs Peders J. Steffensen kt. 680602-3950.
e) að tilnefna þrjá fulltrúa í stjórn Tækjakaupasjóðsins „Dýrin mín stór og smá“ kt. 691298-4349.
f) að annast vörslu Sólskríkjusjóðsins kt. 600397-2149.
Sambandið skal starfrækja skrifstofuaðstöðu eftir því sem aðstæður leyfa og henta starfseminni á hverjum tíma.
II Aðild og fjárreiður
4. gr.
Félagar geta orðið allir þeir einstaklingar, sem eru 18 ára og eldri og skráð félög sem vilja vinna að bættri meðferð dýra í samræmi við hlutverk og skuldbindingar sambandsins skv. lögum þessum.
Félagsmenn hafa málfrelsi og tillögurétt á fundum félagsins. Rétt til að greiða atkvæði á fundum félagsins og kjörgengi í stjórn og nefndir hafa einungis fullgildir félagar.
Félagsmönnum er óheimilt að tjá sig á opinberum vettvangi í nafni félagsins nema með samþykki stjórnar.
Heimilt er með samþykki aðalfundar að vísa einstaklingi úr félaginu hafi hann gerst brotlegur við lög um velferð dýra eða brotið gróflega gegn reglum um félagsaðild sambandsins samkvæmt ofangreindu.
III Stjórn sambandsins
5. gr.
Sex manna stjórn sambandsins er æðsta vald í málefnum sambandsins milli ársfunda og ber hún ábyrgð á starfsemi sambandsins. Stjórn tekur ákvarðanir í málum sem snerta rekstur sambandsins, m.a. frávik frá árlegri fjárhagsáætlun og skipulagi starfseminnar. Stjórn sér um alla framkvæmd félagsins, annast öll málefni þess og er í fyrirsvari fyrir félagið út á við (sbr. 6. gr.).
Stjórn skipa formaður, gjaldkeri og ritari, auk þriggja meðstjórnenda.
Formaður er talsmaður sambandsins. Formaður boðar til stjórnarfunda með minnst tveggja daga fyrirvara, nema brýna nauðsyn beri til að boða fund með skemmri fyrirvara, og skal tillaga um dagskrá fundarins fylgja fundarboði. Formaður hefur yfirumsjón með allri starfsemi sambandsins, skipulagi og rekstri. Formaður getur falið stjórnarmönnum verkefni eftir því sem við á.
Ritari er staðgengill formanns. Ritari skal skrifa fundargerðir stjórnar og félagsfunda, ásamt því að halda utan um ársskýrslur stjórnar. Gjaldkeri ber ábyrgð á bókhaldi sambandsins og sér um innheimtu félagsgjalda.
Reikningsár sambandsins er almanaksárið. Stjórn velur viðurkennda fagaðila utan stjórnar sem sjá um bókhald og gerð ársreikninga sambandsins.
Á stjórnarfundum ræður afl atkvæða úrslitum. Séu atkvæði jöfn ræður atkvæði formanns.
6. gr.
Stjórn getur ráðið framkvæmdastjóra og/eða starfsmann til að sjá um daglega umsýslu sambandsins.
Framkvæmdastjóri og/eða starfsmaður situr stjórnarfundi sambandsins eftir því sem við á.
7. gr.
Stjórn heldur félagaskrá sambandsins og sér um samskipti við félagsmenn. Félagaskrá má stjórnin eigi láta af hendi nema með samþykki aðalfundar og hvers einstaks félaga sem um ræðir.
Stjórn getur óskað eftir þátttöku félagsmanna í starfsemi þess og stofnað nefndir eða vinnuhópa til lengri eða skemmri tíma, eftir því sem verkefni eða aðstæður gefa tilefni til.
IV Aðalfundur og kosningar
8. gr.
Stjórn sambandsins skal kosin á aðalfundi til tveggja ára í senn. Kjörgengi til stjórnarsetu eiga allir fullgildir félagsmenn. Aðeins einstaklingar geta boðið sig fram til stjórnar, félög með aðild geta ekki boðið fram mann til stjórnar í sínu umboði.
Kjósa skal formann, tvo meðstjórnendur og annan endurskoðunarmann reikninga annað hvert ár en hitt árið skal kjósa gjaldkera, ritara, þriðja meðstjórnanda og hinn endurskoðunarmann reikninga. Láti stjórnarmaður af störfum áður en kjörtímabili lýkur skal kjósa í embætti hans á næsta aðalfundi.
Framboð til stjórnarsetu skal berast stjórn a.m.k. viku fyrir boðaðan aðalfund og kynnt félagsmönnum a.m.k. fimm dögum fyrir aðalfund.
Nýir félagar eru samþykktir á aðalfundi ár hvert og öðlast rétt til að greiða atkvæði og gefa kost á sér til stjórnar á næsta aðalfundi á eftir. Teljast þeir þá fullgildir félagsmenn.
Félagsgjöld skulu ákveðin á aðalfundi ár hvert og innheimt árlega.
9. gr.
Stjórn sambandsins skal kosin á aðalfundi til tveggja ára í senn. Kjörgengi til stjórnarsetu eiga allir fullgildir félagsmenn.
Aðeins einstaklingar geta boðið sig fram til stjórnar, félög með aðild geta ekki boðið fram mann til stjórnar í sínu
umboði. Kjósa skal formann, tvo meðstjórnendur og endurskoðunarmann reikninga annað hvert ár en hitt árið skal kjósa gjaldkera, ritara, meðstjórnanda og endurskoðunarmann reikninga. Láti stjórnarmaður af störfum áður en kjörtímabili lýkur skal kjósa í embætti hans á næsta aðalfundi.
Framboð til stjórnarsetu skal berast stjórn a.m.k. viku fyrir boðaðan aðalfund og kynnt félagsmönnum a.m.k. 5 dögum fyrir aðalfund.
10. gr.
Allir fullgildir félagsmenn hafa atkvæðisrétt á fundum félagsins. Við atkvæðagreiðslu á aðalfundi gildir hreinn meirihluti fullgildra félagsmanna sem á fundinn eru skráðir en tvo þriðju hluta þeirra þarf til lagabreytinga og allra meiriháttar breytinga á stefnu félagsins. Á öðrum félagsfundum sambandsins gildir meirihluti viðstaddra við atkvæðagreiðslu.
V Slit sambandsins
11. gr.
Hætti sambandið störfum skal sú ákvörðum tekin á aðalfundi eða aukaaðalfundi með tveimur þriðju hluta atkvæða. Skal þá verja fé og eignum sambandsins í þágu dýravelferðar á Íslandi undir umsjón þess ráðuneytis í Ríkisstjórn Íslands sem hefur umsjón með málefnum dýravelferðar í landinu.