Um Dýraverndarsamband Íslands

Dýraverndarsamband Íslands (Dýraverndunarfélag Íslands), DÍS, var stofnað 13. júlí 1914 og eru frjáls og óháð samtök dýravina (NGO).

Félagið er sameiginlegur vettvangur þeirra sem vilja stuðla að velferð dýra, villtra og taminna, búfjár og gæludýra. Hugtakið dýravelferð breytist sífellt eftir hvert sem við vitkumst. Rannsóknir gera okkur stöðugt meðvitaðri um dýrin og þarfir þeirra. 

Félagið leggur áherslu á miðlun upplýsinga og fræðslu og lætur sig allt varða sem snertir meðferð dýra og velferð þeirra. 

Dýraverndarsambandið á fulltrúa í  Fagráði um velferð dýra, er aðili að Norræna dýraverndarráðinu   (Nordisk Dyrebeskyttelsesråd)  og að Alþjóðasamtökum um verndun dýra (World Animal  Protection). Sambandið er einnig aðili að Landvernd.

Meginhlutverk Dýraverndarsambands Íslands samkvæmt lögum félagsins er: 

• Að vinna að bættri velferð dýra, taka virkan þátt í umræðu um málefni þeirra á opinberum vettvangi og stuðla að  málefnalegri umræðu um dýravelferð. 
  
  
• Að standa vörð  um lögvernd dýra og stuðla að góðri lagasetningu og reglubundnu opinberu eftirliti til verndar dýrum.
  ​
  

• Að beita sér fyrir fræðslu og upplýsingamiðlun um góða meðferð dýra og hvetja skóla, félagasamtök og einstaklinga  til að efla velferð þeirra.​