Ályktanir og áskoranir

Stjórn Dýraverndarsambands Íslands (DÍS) sendir reglulega frá sér yfirlýsingar, ályktanir
​og áskoranir vegna dýravelferðarmála.

Ályktun Dýraverndarsambands Íslands vegna hvalveiða

Stjórn Dýraverndarsambands íslands (DÍS) harmar að hvalveiðar skuli hefjast að nýju.
Stjórnin áréttar þá afstöðu sína að brýnt sé, út frá dýravelferðarsjónarmiðum,
​að hvalveiðum við Ísland ljúki alfarið á þessu ári. ​

Yfirlýsing stjórnar DÍS vegna tímabundinnar stöðvunar hvalveiða

​Stjórn DÍS fagnar þeirri ákvörðun matvælaráðherra að ákveða að stöðva veiðar á langreyðum til 31. ágúst.
​Sú ákvörðun var tekin í framhaldi af afdráttarlausri niðurstöðu fagráðs um velferð dýra.

Yfirlýsing stjórnar DÍS vegna deyfingar á svínum með koltvíoxíðgasi

Dýraverndarsamband Íslands fer fram á að deyfing svína með kolt­víoxíðgasi verði stöðvuð og bönnuð með lögum.

Ályktun stjórnar DÍS vegna niðurstöðu eftirlitsskýrslu MAST um velferð hvala við hvalveiðar 

​Skýr niðurstaða Matvælastofnunar, á grundvelli gagna sem söfnuðust við eftirlit með hvalveiðum á síðasta ári, að óásættanlega hátt hlutfall þeirra veiddu hvala, sem eftirlitið náði til, þjáðust. ​Dýraverndarsamband Íslands fer fram á að hvalveiðum ljúki tafarlaust.​

Hvatning til sveitarfélaga að koma villtum fuglum til aðstoðar

Dýraverndarsambandið hvatti sveitarfélög að koma villtum fuglum og öðrum villtum dýrum í neyð til aðstoðar veturinn 2022-2023 með fóðurgjöf, en frosthörkur voru óvenjulega miklar og langvarandi.

Yfirlýsing stjórnar DÍS vegna aukins eftirlits með hvalveiðum​

Stjórn DÍS lýsti yfir eindregnum stuðningi við aukið eftirlit með hvalveiðum og ítrekaði andstöðu sambandsins við slíkar veiðar.

Yfirlýsing stjórnar DÍS vegna dýra í neyð í Borgarbyggð

​Stjórn DÍS krafðist tafarlausra aðgerða af hálfu stjórnvalda í málinu í Borgarbyggð og að dýrunum væri komið í örugga umsjá á meðan málið væri til meðferðar.

Hvatning til Landssambands hestamannafélaga varðandi velferð hesta í þolreiðarkeppni

DÍS taldi velferð hesta ekki gætt með því fyrirkomulagi sem var í þolreiðarkeppninni Survive Iceland. Stjórn DÍS hvatti LH til að skoða skipulag keppninnar og bæta það með tilliti til velferðar hesta.