Dýraverndarsamband Íslands 100 ára

Dýrin auðga líf okkar allra.

100 ára saga í þágu dýravelferðar... 

Þau merku tímamót verða á sunnudaginn að 100 ár eru síðan stofnfundur félagsins okkar var haldinn, þann 13 júlí 1914.

Dýraverndarsambandið hefur starfað óslitið allan þennan tíma, en raunar undir fleiri nöfnum. Það hét Dýraverndunarfélag Íslands (DÍ), fyrstu 55 árin, en var skipt upp í Dýraverndunarfélag Reykjavíkur og Samband Dýraverndunarfélaga Íslands með ákvörðun aðalfundar árið 1959. Tók DR þá við málefnum tengdum höfuðborginni en SDÍ við málefnum landsins í heild og jafnframt tímaritinu okkar.

Félagið var síðan aftur sameinað með samþykki aðalfundar beggja árið 1996-7 og þá ákveðið að það ætti að heita Dýraverndarsamband Íslands (DÍS). Og hér erum við enn !


Við ætlum að halda upp á þessi tímamót og heiðra stofnendur félagsins sunnudaginn, kl. 14-17. 

Dagskráin hefst með framsögu um sögu félagins og helstu mál.
Að því loknu verða kaffiveitingar. 

DÍS er til húsa að Grensásvegi 12A. Við vonumst til að sjá þig !

Dýraverndarinn, tölublað þessa árs hefur verið settur í póst og ætti að berast félögum DÍS fyrir miðjan júlí. Endilega láttu okkur vita rétt heimilisfang ef þú færð ekki blaðið og ert félagi í DÍS. Tímaritið verður einnig hægt að nálgast í verslunum Eymundsons seinna í sumar. 

Tímaritið okkar, Dýraverndarinn var reyndar eitt af fyrstu stefnumálum félagsins og stofnað til þess strax árið 1915, svo það verður 100 ára á næsta ári. Dýraverndarinn hefur þó ekki verið gefinn út óslitið allan þennan tíma. Hann kom út fyrstu 69 árin en svo hófum við aftur útgáfu á honum fyrir nokkrum árum, fyrst í rafrænu formi og nú prentuðu. Félagið rekur ekki heimasíðu með nafni tímaritsins, en unnið er að verndun titilsins. Allir geta sent greinar í blaðið, tengt málefnum dýra, Dýraverndarinn er málgagn allra dýravina á Íslandi.

Við vonumst til að sjá þig á sunnudag komandi, 

DÍS,
Félag dýravina á Íslandi.

---