DÍS hefur áhyggjur af dýrum í neyð

Mynd tengist  efninu ekki beint.

Ástand hrossanna í Borgarbyggð, sem sýnt hefur verið í fjölmiðlum og á opnum fésbókarsíðum einkaaðila, er grafalvarlegt. Augljóst er að meðferð þeirra brýtur í bága við lög nr. 55/2013 um velferð dýra. Aðgerða er þörf strax.

Stjórn Dýraverndarsamband Íslands (DÍS) skorar á þar til bær yfirvöld að grípa tafarlaust til aðgerða og að sjá til þess að þessum hrossum verði komið í örugga umsjá þar sem heilsa og velferð þeirra verði tryggð á meðan málið er í ferli.   

Þökk sé huguðum einstaklingi hefur þetta mál ratað upp á yfirborðið. Það vekur óneitanlega upp óhug varðandi önnur tilfelli í sveitum landsins þar sem eftirlit virðist vera ófullnægjandi og ekki er gripið til aðgerða. Viðbrögð Matvælastofnunar (MAST) í málinu er með öllu óviðunandi og sýna glöggt að kerfisbreytingar eru nauðsynlegar án tafar.

Stjórn DÍS

---