Veruleiki svína á Íslandi

Að svín eru greind dýr, jafnvel greindari en hundar og geta leyst flókin verkefni, munað andlit og myndað sterk tengsl

Að svín hafa tilfinningar, svín mynda sterk félagsleg tengsl, syrgja fèlaga sína og sýna gleði og tilfinningaleg viðbrögð

Að svín hafa snilldar nef, röltandi um með trýninu rannsaka þau heiminn. Það er öflugt skynfæri og verkfæri í einu

Að rótunarþörf þeirra er djúpstæð, þau eyða allt að 6-8 klukkustundum á dag í að róta og leita sér að fæðu. Þetta er ekki bara eðlishvöt heldur lífsnauðsynlegt atferli

Að svín eru afar hreinlát ef þau hafa til þess val

Að svín talast saman og gefa frá sér margvísleg hljôð eftir líðan þeirra og tilfinningum

Að svín vilja tengsl og virðingu, þegar svín upplifa kærleika, örvun og frelsi þá dafna þau á ótrúlegan hátt

Að svipta svín náttúrulegu atferli sínu er að svipta þau kjarnanum í því að vera lifandi vera

Að svín fá aldrei að sjá sólina eða finna moldina undir fótum sínum, þau eyða lífi sínu innilokuð á steypugólfi eða rimlagólfi

Að engar lagakröfur eru um að svín hafi aðgang að útiveru, dagsbirtu eða jarðvegi, eðlislægum þáttum sem er þeim nauðsynleg

Að svín sýna einkenni sturlunnar ef þeim er haldið innilokuðum í snauðu umhverfi sem kemur ekki til móts við þeirra náttúrulega atferli

Að í iðnvæddum búum er hali þeirra skorinn af og tennur klipptar þvert á dýravelferðarlög og reglugerðir um velferð svína