​Við biðjum alla sem láta sig varða velferð dýra að  leggjast á eitt með  þessari undirskriftarsöfnun. Það þarf   að vinna markvisst að velferð þeirra katta sem eiga ekki heimili og þurfa nauðsynlega hjálp. 

Dýraverndarsamband Íslands mun að söfnun lokinni koma  beiðni til ráðherra um að skipaður verði hópur til að útfæra reglugerð  þar sem gert er ráð fyrir   að hægt sé að hjálpa  villikisum í stað þess eins að lóga þeim á vegum stjórnvalda. 

​Kæru dýravinir, gerum ráð fyrir þessum kisum - styðjum félagastarfsemi sem vinnur í þeirra þágu. 

Aðalfundur félagsins var haldinn 29. maí  síðastliðinn.    Framboð til formanns voru tvö að þessu sinni og hlaut starfandi formaður afgerandi  kosningu til áframhaldandi starfa.   Nýr stjórnarmaður kom inn og gamall kvaddi, en við þökkum S. Steindóri Pálssyni kærlega fyrir   liðin ár.  Meðstjórnandi frá fyrra ári bauð sig fram til gjaldkera og tók við þeirri stöðu  en ekkert mótframboð barst í sæti gjaldkera. 

Um skipan stjórnar DÍS má finna hér á heimasíðunni undir UM DÍS.

Félagið stendur vel  og er vel í stakk búið til að taka flugið inn í framtíðina. Við stefnum að því að finna starfsmann sem getur hjálpað okkur við að gera starfsemina markvissari og kröftugri  í þágu dýra.    Markmið okkar er að dýravelferð sé  almenn og sjálfsögð og  að gengið sé út frá henni í  íslensku samfélagi. 

Dýraverndarsamband Íslands.
​