Framboð til stjórnar Dýraverndarsambands Íslands 2015

Tvö framboð bárust til meðstjórnenda í stjórn DÍS. Hér eru þau framboð sem bárust: 

1. Framboð til stjórnar Dýraverndarsamband Íslands

Ég, Liselotte Widing, gef kost á mér til almennrar stjórnarsetu hjá Dýraverndarsambandi Íslands. Ég er lögfræðingur að mennt, bý í Reykjavík en samt í sveit, með fjórum hestum, tveimur kanínum og ketti. Árið 2008 var ég kjörin í stjórn Neytendasamtakanna og endurkjörin 2010 og 2012. Eftir þessi þrjú kjörtímabil gaf ég ekki kost á mér til áframhaldandi stjórnarsetu, til þess að stuðla að endurnýjun.

Ég hef áhuga á að beita mér til hagsbóta fyrir vernd og velferð dýra á Íslandi, smárra sem stórra. Verði ég kjörin til stjórnarsetu mun ég beita mér fyrir auknum slagkrafti Dýraverndarsambandsins. Verkefni dagsins, og morgundagsins, er að efla umræðuna um velferð dýra, á jákvæðum nótum og þekkingu dýraeigenda og almennings. Víðtækt samráð við félagsmenn um stefnumótun samtakanna  tryggi það að við tölum einni röddu.

Virðingarfyllst,

Liselotte Widing


2. Framboð til stjórnar Dýraverndarsamband Íslands

Sigurður Steindór Pálsson gefur kost á sér til meðstjórnandastarfa í stjórn DÍS. Er dýravinur og áhugasamur um málefni dýra. Vill mjög gjarnan beita sér í þágu dýravelferðar. Hefur verið í félaginu í um tíu ár.
 
Sigurður Steindór Pálsson